Behin arbela digitala izanda, materiala bilatu nahi izango dugu edo egin izan nahiko dugu erabilpen ona emateko tresna honi: flash animazioak, irudiak...eta aurkezpenak.

Animazioak edo irudiak ez da zaila izango. Google bilantzailean hitz egokiak idatzi eta pilo bat animazio edo irudi aurkituko ditugu. Baina aurkezpenak piska bat gehiago kostatuko zaigu aurkitzea ezkutatuago daudelako, Google-en hoberena, "reproducción animal .ppt" edo antzerakoekin proba egitea dugu. Baina metodo honek duen arazoa da, deskargatu behar izango ditugula ikusi eta balio zaizkigun jakin ahal izateko.

Zorionez badaukagu web orri interesgarri bat honi buruz, on-line zerbitzua ematen diguna: Slideshare.net zeinetan pertsona askok euren aurkezpenak eskegi eta konpartitu egiten dituzten, besteok deskargatu gabe ikusi ahal izateko. Egokiak iruditzen bazaizkigu deskargatzen ditugu, gure helburuetara hurbil daitezen editatu eta erabiltzeko prest izango ditugu. Lan asko aurrezten digun baliabidea da eta eskertzekoa da. Hori bai, eskerrak emateko modu egokiena guk geuk eginiko aurkezpenak eskegitzea dugu. Seguraski norbaitek eskertuko digula horrela katea jarraituz, horrela piskanaka piskanaka, kalitate eta tamaina handiko biltegi bat eratzen joango garelarik.

Hemen daukazue slideshare web orriaren hipertestua
http://www.slideshare.net/agrega

Pere Marquès bere Chispas TiC y educación blog-ean esaten duenez, 2012. urterako (soilik 4 urte barru) ikasgela guztiek izango dituzte arbela digitalak.

Hau badirudi oso ikuspegi baikorra dela, baina ondo legoke irakasleak prestaturik egotea horrela izan zedin, tresna hau erabiltzen hasi ahal izateko. Eta nahiz eta arbela digitalaren erabilera erraza izan, irakasleek ezagupen eta kapazitate batzuk izan behar dituzte informatikaren inguruan, gaur egunean, optimistak izanez %40 baino ez, ez dutenak.

Tresna hau dagoeneko ezinbestekoa da. Klasera heldu, ordenagailua konektatu eta eguneroko kontzeptuak flash animazio edo proiekzio bidez aurkeztu, edozein ikasleren lana aurkeztu eta guztion artean zuzendu, irudiak edo grafikoak kolore bizian aurkeztu edo egindako diktaketa jarri taldean zuzentzen joateko, egunero egin daitezkeen gauzak errazteko azken finean. Egia da, beste egun batzuetan koadernoak zuzendu, irakurri, muralak egin, hitzegin beharko dela. Baina seguraski jendea tresna hau ezagutuz eta txertatuz doan heinean, lanerako oso tresna baliagarria dela ikusiko dute. Hona hemen link bat BIT.Blog de T.I.C. y Educación: PD erabiltzeko ideiak aurkezten duen lekua.

http://entizado.com/category/tic-en-la-escuela/ web orriko artikulu batetik euskaratua.

Klasean teknologia izatearen alde ona, irakaslea "magistrala" izatetik, "bitartekaria" izatera pasatzen dela da. Ikasleak euren ikaste prozesuaren erantzunle izango dira, autoebaluatuko dira eta euren ikaskideei balioa emango diete. Bizitzaren edozein gauza bezala ikasi, aske garenean hobeto ikasten dugu.

Argazkian ikus dezakegun moduan, irakasleak arbela digitalarekin azalpenak emateko sortea dauka. Baina bera soilik ez, ikasleek ere erabili dezakete, ariketak internet bidez egin, dituzten arazoak zuzendu, momentuan artxibatuko direnak, klasean ager daitekeen edozein gai berriren aurrean momentuan informazioa lortzeko...

http://vidadeprofesor.blogia.com/2004/111301-aulas-con-software.php

http://vidadeprofesor.blogia.com/upload/pizarra%20digital%203.JPG

http://es.youtube.com/watch?v=PL-ywltLjzk

Wikiak, kontzeptu multzo bat biltzen dituen tresna da, web orriak modu erraz batez eraldatu edo editatzeko balio duena eta aldaketa hauen informazioa edota aldaketak egin dituzten pertsonena izatea.
Hezkuntzan erabili nahi badugu, talde lanetan atera ahal diogu baliorik handiena tresna honi.

Talde bakoitzeko wiki bat eratzen badugu, taldekide guztiek aldatu izan ahalko dute aurkeztutako kontzeptuak edo ideia, horrela egiten duten lana hobetuz. Honek gainera irakasleari jarraipen bat egiten lagundu diezaioke, momentuan egiten dauden lana edo egindakoa, bukatuta egon arte itxaron beharra izan gabe, zeinekin ebaluazio jarraia posible egiten duen. Wikiaren beste abantaila bat, taldearen jarraipena eta banakakoa egitea posiblea dela, lankideen aportazioak edo idatzitakoak hor bertan agertzen direlako. Wikiak taldeko lanean sormena errazten du (batez ere taldekideak geografikoki hurrun badaude) hurrengo bideoan ikus dezakezuen moduan.




http://es.youtube.com/watch?v=jIgk8v74IZg


Hitz gutxitan, blog batek elkarrizketak sortzen baditu, wikiak edukien antolamendu interaktiboa sortzea ahalbidetzen du modu erraz eta arin batez. Hobeto ikus dezazuen hona hemen hurrengoko aulablog21 aurkezpena zeinetan wikiak nola erabili dituzten ikusiko duzue.

| View | Upload your own

Bideo honen bitartez, teknologia berriek eskoletan duten erabilera ikus dezakezue:



http://es.youtube.com/watch?v=6uPHgyTS2ww

Internet, baliabide askoren multzo edo sare da eta baliabide hauek erabiliz, bideojokoak eta bestelako denborapasak (komikiak, filmak,...), kurrikulumaren garapenean lagundu dezake modu dibertigarri batez eta ikasleen interesak kontuan hartuz. Beraz, baliabide hauen helburua alfabetatzea bada, gure helburu didaktikoak, kontzeptuen barneratzea eta ikasleen egunerokotasunari buruzko hainbat ekintza betetzen lagundu dezakete.

Pentsamendu kritikoaren eta hausnarketaren garapena bultzatu dezakegu. Interneten gai bati buruzko milaka artikulo ezberdin irakurri ditzakegu eta ideia edo iritzi ezberdinak analizatuz eta landuz, horrela gure ezagutza errotuz, kritikoagoak izanez eta erdizka ditugun informazio edota ideiak finkatuz.

Eskolak, bere konpetentziak garatu eta datorkigun etorkizuna kontuan izanda, ez luke internet alde batera utzi beharko, egungo umeak XXI. mendeko gizartean integratzea badu helburu. Irakasle batzuk, internet gauza negatibo bat moduan ikusten dute, bere lan egiteko modua baldintzatu dezakeen beldur direlako. Dena den, internet hezkuntza ekintzak indartu dezakeen erreminta garrantzitsua da. Ezin dugu ahaztu, ikasleak, tresna honekiko hausnarketa eta kritika garatu behar dutela eta honekin hezitu. Internetekin, telebistarekin gertatzen den antzera gertatzen da: informazio eskaintza amaiezina, eta erabiltzaileen alfabetatze berria behar duela informazio edo eskaintza horiek aukeratzen jakiteko.

Ikastetxeak beraz, informazio gizartean bere lekua izan nahi badu, tresna berri hauek erabiltzen eta eguneratzen hasi beharko dira.